Eusko Jaurlaritzak hiru milioi euroko diru-laguntzak bideratuko ditu merkataritzaren sektorera, lankidetza eta hiri-dinamizazioa sustatzeko

Eusko Jaurlaritzak aste honetan egin du Hirigune programaren diru-laguntzen deialdia. Horren bidez, 3.216.428 euro bideratuko dituzte hiriguneko merkataritzan lankidetza, dinamizazioa eta lehiakortasuna sustatzeko, udalen eta elkarteen ekimenen bitartez.

Eusko Jaurlaritzaren 2014-2016ko Ekintza Planak merkataritza-jarduera sustatzea du helburu, merkataritza-dinamizazioko ekintzak sostengatuz, udalerri eta auzoetako merkataritza-guneak mantentzeko eta berorietara eskaera erakartzeko. Horretarako, ekimen publiko eta pribatuaren arteko lankidetzari garrantzia eman nahi dio, udalen eta elkarteen arteko dinamizazio-programak ezartzearen bitartez. Hala, diru-laguntzak lortzeko hitzarmenak sinatuko dituzte.

Hirigune programari esker:

  • Hiri-merkataritzako lankidetza eta dinamizazio estrategien sorrera sustatzen da, hiri-inguruneetako marka-kokapena eta merkataritza arloko lehiakortasuna hobetzeko. Iaz 532 ekimen gauzatu zituzten: 32 Araban, 270 Bizkaian eta 230 Gipuzkoan.
  • Merkataritza-dentsitate apaleko eremuetan, zonako urteroko lankidetza-proiektuen ezarketa eta garapena sustatzen da, beren izaera dela eta, biziberritu nahi diren eremuen merkataritza-hornidura hobetzeko proposamen estrategikoak barnean dituztela.

Aurten 1.571.428 euro bideratu dituzte Udalen ekimenetara eta 1.645.000 euro, merkatarien elkarteen ekimenetara. Diru-laguntzen zenbatekoa inbertsioen egikaritze materialaren kostuaren % 80 izango da.

Eskaerak aurkezteko epea 2015eko urriaren 8an, 12:00etan, amaituko da. Administrazio-prozedurari buruzko Legeari jarraiki, eskaerak internet bidez edo Ekonomiaren Garapen eta Lehiakortasun Sailaren lurralde-ordezkaritzetara, Zuzenean zerbitzuaren bulegoetara eta abarrera eramanda aurkez daitezke. 

Besteak beste, udalaren merkataritza-garapena bultzatzeko halakoak biltzen dituzten proiektuak baloratuko dira:

  • Fluxu komertzialak hartzeko ekintzak antolatzea eta gauzatzea.
  • Ingurura bezeroak fluxuak erakartzea erraztuko duten merkataritzaren zerbitzu osagarriak antolatzea eta sustatzea.
  • Sektorearentzat interes erkidea duten lankidetza-zerbitzuak garatzea eta kontratatzea (eskalako ekonomiak sortzen dituzten proiektuak, negoziazio onuragarriak, etab.)

http://www.irekia.euskadi.eus/eu/news/28123-gobierno-vasco-destina-tres-millones-comercio-ayudas-para-incentivar-cooperacion-dinamizacion-urbana

 

AGENDA

Al As Az Og Or Lr Ig

DENDAGO

Euskal Herriko merkatarien online denda

EUSKALDENDAK

Euskadendak Euskadiko Merkatari, ostalari eta zerbitzu enpresen elkarteen Konfederazioa

HARPIDETZA

Dendartean Berriak

Jaso berri bakoitzeko albiste jakinarazpena.

Administrazioa

  • Andre Mari kalea 21
    20240 Ordizia, Gipuzkoa
  • 671 690 980
  • dendartean@dendartean.eus

MERKATARITZA BULEGO TEKNIKOA

  • Enparan Kalea 1
    20730 Azpeitia, Gipuzkoa
  • 943 025 673 | 688 823 944
  • otcdendartean@dendartean.eus