Saltokiak modernizatzeko Eusko Jaurlaritzaren laguntzak % 16,5 igo dira, aurrekontu berria 3.476.200 € izanik

Euskadin inbertitzen duten eta Merkataritza Jarduerak egiten dituzten ETEek uztailaren 8tik irailaren 5era arteko epea dute eskaerak aurkezteko

  • Merkataritza Saltokiak Modernizatzeko laguntzei buruzko MEC programaren helburua lehiakortasuna hobetzea eta kudeaketa eta azpiegiturak eguneratzea da

Merkataritza Saltokiak Modernizatzeko laguntza programak, MEC, Euskadiko merkataritza-sektorea hobetu nahi du berrikuntzaren bitartez, lehiakorragoa egiteaz gainera; horretarako, 3.476.200 €ko aurrekontua ezarri dute. Eusko Jaurlaritzak % 16,5 igo ditu aurten laguntza horiek, hauen alde egiteko: teknologikoki aurreratuak diren aktiboak sartzea, sektorearen profesionalizazioa, trebakuntza espezializatua eta instalazioaren modernizazioa, inbertsioen finantzazioa erabilita.

Laguntzak itzuli beharrik gabeko % 20ko diru-laguntzak izango dira gehienez, higiezineko inbertsioak, obra zibilak, ekipamenduak, errotuluak, informatika-ekipamenduak, aplikazioak edo osagarriak diren arabera.

Laguntzen zenbatekoak handiagoak izan ahalko dira enpresak baldintza hauetako bat betetzen badu: kalitate-ziurtagiria izana frogatzea, elkarte bateko kide izatea, kudeaketarako softwarean inbertsioak egitea, langileen gaitasun pertsonala edo profesionaltasun-ziurtagiria frogatzea, bai eta emakume eta gizonen arteko aukera berdintasunerako erakunde laguntzaileen aitorpena izatea

Hauei zuzentzen zaizkie laguntzak: Enpresa Txiki eta Ertainak (ETE), oinarrizko jarduera merkataritza izatea, negozioaren bolumena kontuan hartuta, eta EAEn inbertitzea. Inbertsioek 900 € baino gehiagokoak izan behar dute informatika-ekipamenduetan, edo 3.000 euro baino gehiagokoak gainontzekoetan.

Interesdunek uztailaren 8tik irailaren 5era arteko epea dute eskariak aurkezteko, Ekonomiaren Garapen eta Lehiakortasun Sailaren lurralde-ordezkaritzetan, Eusko Jaurlaritzaren Herritarrentzako Arreta Zerbitzuaren (Zuzenean) bulegoetan edo Herri Administrazioen Araubide Juridikoaren eta Administrazio Prozedura Erkidearen 30/1992 Legeko, azaroaren 26ko, 38.4 artikuluan zehaztutako edozein tokitan.

Merkataritzaren modernizaziorako laguntzen MEC programak 1.283 eskaera onartu zituen joan den urtean; enpresek, guztira, 2.888.750,49 €ko laguntzak jaso zituzten eta 27 milioi euroko inbertsio induzitua lortu zuten.

Lurraldeka, Arabako 131 enpresak diru-laguntza jaso zuten, 268.197,03 € guztira; Gipuzkoan, 535 saltokik jaso zituzten laguntzak, 1.118.436,37 € guztira; eta Bizkaian, 617 eskaera izan ziren onuradunak, 1.497.126 € guztira.

 

http://www.irekia.euskadi.net/eu/news/20844-las-ayudas-del-gobierno-vasco-para-modernizar-los-comercios-crecen-llegan-los-476-200 

DENDAGO

Euskal Herriko merkatarien online denda: DENDAGO

HARPIDETZA

Dendartean Berriak

Jaso berri bakoitzeko albiste jakinarazpena.